Túrkistan qalasynda álemdik standarttarǵa sai tennis ortalyǵy salynyp jatyr. Ákimshilik-iskerlik ortalyǵynda boi kótergen nysannyń qurylysy tolyqtai ispaniialyq jobanyń úlgisimen júzege asyrylýda, dep habarlaidy "Ult aqparat".
Túrkistan oblysynyń ákimi Ómirzaq Shókeev oblys ortalyǵynda boi kóterip jatqan birqatar jańa nysandardy aralap, qurylysshylarmen kezdesti. Jaýapty sala basshylaryna birqatar tapsyrma júktedi. Qurylys barysynda bekitilgen kesteden aýytqymaýdy estkertip, kei qurylys alańyndaǵy jumysshylar sanyn arttyrýdy tapsyrdy. Sebebi, qurylystyń sapasy basty nazarda.
«Qurylys barysynda ár qadam mańyzdy. Ásirese sapaǵa salǵyrt qaraýǵa jol bermeý kerek. Jańadan salynyp jatqan barlyq sport nysandaryna talap osy. Halyqqa yńǵaily, sapasy minsiz bolýy tiis. Bul jerde erteń balalarymyz jattyǵyp, shynyǵady. Balalardy, jasóspirimderdi erte jastan sportqa baýlý arqyly biz keleshek urpaǵymyzdy tárbieleimiz»,-deidi oblys ákimi.
Jańadan salynyp jatqan nysandardyń biri -Tennis ortalyǵy. 7 ashyq tennis kortynan turatyn nysannyń kórermenderge arnalǵan jinalmaly minbeleri men ámbebap jáne balalar oiyn alańdary bar. Aimaq basshysy sondai-aq, sport keshenderi bar esý kanalynyń qurylys alańynda boldy. Bul nysan elimizdegi sý sporty túrlerin damytyp, Túrkistan qalasynda joǵary deńgeidegi jarystar ótkizýge múmkindik bermek. Shahardyń sáýletin keltirýmen qosa, týrizmdi damytyp, óńirde qolaily mikroklimat qalyptastyrýǵa sep bolmaq. Halyqaralyq dárejedegi eskek esý jəne baidarka sporty boiynsha olimpiadalyq standartqa sai ortalyq 100 gektarǵa jýyq alańda ornalasqan.
