Túrkistan oblysynyń ákimi Ómirzaq Shókeev Túrkistandaǵy qurylys alańdaryn aralap, jumysshylarmen kezdesti. Óńir basshysy tutastai ashyq tústi travertin men aq mármár taspen qaptalyp jatqan kóppáterli turǵyn úilerdiń qasbetin kórip shyqty, dep habarlaidy "Ult aqparat".
Qurylys jumystarynyń sapasyn teksergen aimaq basshysy merdiger kompaniia ókilderine qurylys qarqynyn jyldamdatýdy tapsyrdy. Ómirzaq Estaiuly qurylys basynda saqtyq sharalaryn kúsheite otyryp, táýlik boiǵy jumys kestesine kóshýdi mindettedi.
«Jumys kólemi óte aýqymdy, ony jaqsy túsinemin. Biraq qazir kidiretin kez emes. Jumys barysynyń mańyzy men jaýapkershilikti sezine bilý qajet. Bizdiń tarapymyzdan qandai da bir kómek kerek bolsa, tikelei aityńyzdar»,-dedi óńir basshysy.
Túrkistan qalasy ákimshilik-iskerlik ortalyǵynda 7,9,12 qabatty 89 turǵyn úidiń qurylysy biýdjet esebinen júrgizilýde. Jyl qorytyndysymen 7 qabatty 24 baspana, iaǵni 1452 páterli úidi tapsyrý josparlanǵan.
Bul úilerden 450 páter birinshe kezekte turǵan áleýmettik osal toptarǵa jáne kópbalaly otbasylarǵa berilse, memlekettik qyzmetkerlerge 1000-nan astam kredittik turǵyn úi tapsyrylmaq.
