Túrkistan oblysynyń politseileri Shymkentte joǵalyp ketken 14 jastaǵy mektep oqýshysyn tapty. Qyzdy izdeý jumystary 4 kúnge sozyldy, - dep habarlaidy Tengrinews.kz.
Jedel jáne mobildi toptar 4 táýlik ishinde jaqyn mańdaǵy barlyq aýyldy, aýylda ornalasqan barlyq kóshe men qaraýsyz qalǵan ǵimaratty sharlap, qyzdy synyptastary men dostarynan, týystary men tanystarynan surastyryp shyqty. Joǵalǵan qyzdyń sýretteri áleýmettik jeliler men barlyq BAQ-ta tarady. Alaida bári beker bolyp shyqty. Eshkim onyń qaida ekenin bilgen joq.
"Jedel ýákilder qyzdy tabýǵa úmittenip izdeý sheńberin keńeitti, megapoliske shyqty. 7-8 maýsymǵa qaraǵan túni politseiler jasóspirimdi Shymkenttiń aiaqtalmaǵan ǵimarattarynyń birinen tapty. Olar qyzdy ata-anasyna aman-esen tabystady. Qazirgi ýaqytta politseiler qyz nege otbasynan qashyp ketkenin anyqtap jatyr", - dep habarlady Túrkistan oblysy PD baspasóz qyzmeti ókili.
