Ulttyq qaýipsizdik komiteti Túrkistan oblysynda shekaradaǵy zańsyz deldaldyqpen ainalysqan qylmystyq toptyń qyzmetin toqtatty, dep habarlaidy ult.kz.
Arnaiy operatsiia 12 maýsym kúni politsiia qyzmetkerlerimen birlesip, prokýratýranyń úilestirýimen júrgizildi. Tergeý málimetinshe, kúdiktiler aýyr júk kólikteriniń júrgizýshilerine kedendik rásimderden jedel ótýge kómektesip, zańsyz deldaldyq qyzmet kórsetken.
Jinalǵan materialdar negizinde 17 adamǵa qatysty sotqa deiingi tergeý bastaldy. Olardyń beseýi ýaqytsha ustaý izoliatoryna qamaldy.
Tintý barysynda bes dana atys jáne pnevmatikalyq qarý, iri kólemdegi aqsha qarajaty men ózge de zattai dáleldemeler tárkilendi.
Qylmystyq-protsestik kodekstiń 201-babyna sáikes, ózge málimetter jariia etilmeidi.
