Túrkistan oblysynda balalarymen joǵalyp ketken áiel tabyldy, dep habarlaidy ult.kz.
Otyrar aýdanynyń turǵyny jubaiy tórt balasymen birge 7 kún buryn úiden shyǵyp ketip, habar-osharsyz qalǵany týraly politsiiaǵa aryzdanǵan. Bul derek boiynsha Túrkistan oblysy Politsiia departamentiniń Uiymdasqan qylmysqa qarsy kúres basqarmasy men Otyrar aýdandyq politsiia bóliminiń qyzmetkerleri birlesip, jedel izdestirý jumystaryn uiymdastyrǵan.
Iz-tússiz joǵalǵan áieldiń qasynda jastary 6, 5, 3 jáne 10 ailyq tórt balasy bolǵan. Politseiler aýdannyń kireberisi men shyǵaberis baǵyttaryna baqylaý beketterin qoiyp, kólikterdi teksergen. Sonymen qatar, kórshiles aýmaqtarǵa arnaiy baǵyttamalar joldanyp, izdeý sharalary kúsheitilgen.
Nátijesinde joǵalǵan áiel balalarymen birge taksimen kele jatqan jerinen anyqtalyp, politsiia bólimine jetkizildi. Tekseris barysynda áiel kúieýimen arada bolǵan turmystyq kelispeýshilikten keiin renjip, balalaryn jáne qujattaryn alyp, Shymkent qalasyna ketip qalǵany belgili boldy. Onda eshkimge aitpastan páter jaldap turǵany anyqtaldy.
"Jaqyn týystary shaqyrylyp, politsiia qyzmetkerleri tarapynan profilaktikalyq túsindirý jumystary júrgizildi. Otbasy músheleri ózara tatýlasyp, úilerine aman-esen oraldy", - dedi Túrkistan oblysy PD baspasóz qyzmeti ókili.
