Túrkistan oblysy Keles aýdanynda sýdy qajet etpeitin qara qarbyz pisip jetildi, dep habarlaidy "Ult aqparat" oblys ákiminiń baspasóz qyzmetine silteme jasap.
Bul tájiribeni ǵalym Berdiiar Qalymbetov Birlesý aýyldyq okrýginde júzege asyryp otyr. Qarbyzdyń uryǵy kórshi Ózbekstan Respýblikasy Samarqand oblysy Janbai aýdanynan ákelingen.
«Atalǵan eginniń qarbyzdyń ereksheligi uryq erte kóktemde ylǵalǵa egilip, sol sátten pisip jetilgenshe sý ishpeidi. Qarbyzdyń sý qajet etpeitininiń utymdylyǵy - aýdannyń sýarý múmkinshiligi bolmaǵan jerlerde egin sharýashylyǵyn tiimdi paidalaný», delingen habarlamada.
Aldaǵy ýaqytta ǵalym atalǵan tájiribeni basqa da aýdannyń diqandaryna úiretip, egistik alqabyn keńeitýdi kózdep otyr.
