Túrkistan oblysynda bolǵan jol apatynan 3 ózbekstandyq kóz jumyp, taǵy bireýi aýyr halde aýrýhanaǵa jetkizildi, dep habarlaidy "Ult aqparat".
Oblystyq PD baspasóz qyzmetiniń málimetinshe, jolda ketip bara jatqan Neksiia avtokóliginiń júrgizýshisi uiyqtap ketken. Saldarynan Ózbekstannyń tórt azamaty mingen kólik jol jiegine aýdarylǵan. Eki áiel oqiǵa ornynda kóz jumsa, taǵy bir jolaýshy Ordabasy aýdandyq aýrýhanasynda qaitys boldy. Al, kólik júrgizýshisi atalǵan aýrýhanada em qabyldaýda.
«Apatqa ushyraǵan kólik Ózbekstanǵa tiesili. Qazirgi tańda osy jol kólik oqiǵasyna qatysty Qylmystyq kodekstiń 345-baby «Kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy» boiynsha tergeý amaldary júrgizilýde», - dedi politsiiadan.
