Foto: Elitar
Túrkistan oblysynda er adam 15 jastaǵy mektep oqýshysyn úilený úshin 600 myń teńgege satyp alǵan. Bul týraly "NeMolchi" qorynyń basshysy, qoǵam belsendisi Dina Tańsári aitty, - dep habarlaidy Tengrinews.kz portaly.
Onyń sózinshe, er adam mektep oqýshysyn urlap, anasyna qalyń mal retinde 600 myń teńge tólegen. Qyzdyń ákesi politsiiaǵa aryzdanǵan. Onyń sózinshe, ol áielimen ajyrasyp ketken, biraq aliment tólep turǵan. Ákesi 2022 jyldyń sońynda áldekim qyzyn alyp qashyp, Jetisai aýdanyna alyp ketkenin, artynsha betashar jasalǵanyn aitady. Bul týraly 15 jastaǵy oqýshy qyzdyń ákesi áleýmettik jeli arqyly bilgen. Er adamnyń sózinshe, qyzy bul nekege qarsy bolǵan.
Ákesi adamdy urlap alyp ketkender qylmystyq jaýapkershilikke tartylatynyn atap ótti.
"Odan bólek, 16 jasqa tolmaǵan adammen jynystyq qatynasqa túsý de qylmystyq jaýapkershilik. Bul jaǵdaidy jai alyp qashý dep qarai salýǵa bolmaidy, sebebi men óz kelisimimdi bergen joqpyn. Sondyqtan qylmys deregi rastalady. Sonymen qatar, 16 jasqa tolmaǵan adammen jynystyq qatynasqa túsý de qylmys, sebebi bul nekege men óz ruqsatymdy bergen emespin, bermeimin de. Sebebi qyzym nebári 15 jasta jáne ózdiginen sheshim qabyldai almaidy. Sondyqtan bul jerde de qylmys dáleldenip otyr", - deidi oqýshynyń ákesi.
Er adam qyzyn alyp qashqan adamdy taýyp qana qoimai, ony jaýapkershilikke tartýdy surady.
