Foto ©️ Tengrinews.kz / Turar Qazanǵapov
Túrkistan oblysy Sairam aýdanynda joǵalyp ketken 10-synyp oqýshysy óli tabyldy, - dep habarlaidy «Ult aqparat» Túrkistan oblysynyń politsiia departamentine silteme jasap.
Aldyn ala málimet boiynsha, jasóspirim birneshe kún boiy úiinde bolmaǵan. Onyń týystary habar-osharsyz ketkenin aityp, quzyrly organdarǵa habarlasqan. Artynsha kámeletke tolmaǵan balanyń máiiti tabyldy.
Politsiia sýitsid faktisi boiynsha qylmystyq is qozǵap, saraptama taǵaiyndady.
"Sairam aýdanynda kámeletke tolmaǵan balanyń óz-ózine qol jumsaýy boiynsha tergeý amaldary júrgizilip jatyr. Saraptama taǵaiyndalyp, barlyq mán-jaiy anyqtalyp jatyr. Basqa aqparat jariia etilmeidi", - dep habarlady Túrkistan oblysynyń politsiia departamenti.
