Málim bolǵandai, Sozaq aýdany politsiia bólimine aýdan ákimdiginen qatynas hat kelgen. Onda aýdan ákimshiliginde zańsyz qaýlylar engizilgeni, sonyń zańdylyǵyn tekserý kerektigi týraly kórsetilgen.  

"Aqparat alysymen sozaqtyq politsiia qyzmetkerleri jan-jaqty tekserý jumystaryn júrgizdi. Tártip saqshylarynyń tarapynan júrgizilgen jedel-izdestirý is-sharalarynyń barysynda qyzmettik múmkindigin negizsiz paidalaný arqyly qujattardy qoldan jasaý jáne ótkizýmen ainalysqan Sozaq aýdandyq ákimdiginiń memlekettik qyzmetkeri anyqtalyp, er adam politsiia bólimine jetkizildi.

Belgili bolǵandai, kúdikti retinde tanylǵan er adam memleket esebinen turǵyn úi satyp alýǵa biýdjettik nesie berý týraly jalǵan qujattar jasaǵan. Politseiler atalǵan jaitty QK 385-baby (Jalǵan qujattardy, mórtabandardy, mórlerdi, blankilerdi, memlekettik poshta tólemi belgilerin, memlekettik nagradalardy qoldan jasaý, daiyndaý nemese ótkizý) boiynsha tirkep, sotqa deiingi tergeý amaldaryna kiristi.

Tiisti saraptamalar taǵaiyndaldy. Qazirgi tańda oqiǵanyń tolyq mán-jaiy anyqtalýda", - delingen politsiia habarlamasynda.