Túrkistan oblysynda jol apatynan 7 adam kóz jumdy, dep habarlaidy ult.kz.
Jol apaty 15 shilde kúni bolǵan. Túngi ýaqytta Báidibek aýdanyndaǵy Shaian – Ekpindi tas jolynda Toyota Camry men Volkswagen Passat kóligi soqtyǵysqan. Saldarynan 7 adam oqiǵa ornynda kóz jumǵan.
Politsiia jol apaty boiynsha qylmystyq is qozǵady. Tergeý júrip jatyr.
Jelide taraǵan aqparat boiynsha jol apatyna túskender janyp ketken. 6-ýy bir aýyldyń turǵyndary bolýy múmkin.
Oblystyq politsiia departamentiniń málimetinshe, qazirgi ýaqytta oqiǵanyń barlyq mán-jaiyn anyqtaýǵa baǵyttalǵan qajetti tergeý jáne protsessýaldyq is-sharalar júrgizilip jatyr.
“Tergeý nátijesi boiynsha zańnama talaptaryna sáikes tiisti protsessýaldyq sheshim qabyldanady”, – dep habarlady vedomstvo.
Politsiia júrgizýshilerdi jol qozǵalysy erejelerin qatań saqtaýǵa, jyldamdyq rejimin asyrmaýǵa, sondai-aq jol jáne aýa raiy jaǵdailaryn eskerip, kólik quralyn basqarý kezinde barynsha muqiiat bolýǵa shaqyrdy.
