Foto: polisia.kz
Túrkistan oblysynyń politseileri er adamnan 100-den astam zańsyz aýlanǵan balyqty tárkiledi, – dep habarlaidy «Ult aqparat» Polisia.kz-ke silteme jasap.
Tártip saqshylary Keles aýdanynyń aýmaǵynda reid júrgizý barysynda motorly qaiyqty tirkep alǵan VAZ avtokóligin toqtatty. Tekserý barysynda ýchaskelik inspektorlar jergilikti turǵynnan qaiyq, motor, aý jáne basqa kerek-jaraqtardy, sondai-aq 100-den astam ár túrli balyqtardy taýyp, tárkiledi.
Anyqtalǵandai, 45 jastaǵy er adam motorly qaiyq pen aýlardy paidalanyp, Syrdariia ózeninde zańsyz balyq aýlaýmen ainalysqan. Qazir bul fakti boiynsha tergeý amaldary júrgizilip, barlyq mán-jai anyqtalyp jatyr.
