Qazaqstan Respýblikasy Prezidenti Ákimshiliginiń kelisimimen jáne Túrkistan oblysynyń ákimi Ó.Shókeevtiń ókimimen Túrkistan oblysy ákiminiń orynbasary bolyp Amanbaev Joldymurat Ermuhanuly taǵaiyndaldy.
Joldymurat Ermuhanuly 1957 jyly 4 qazanda Aqtóbe oblysynda týylǵan.
Almaty aýyl sharýashylyǵy institýtynyń ekonomika fakýltetin úzdik bitirgen.
Eńbek jolyn 1974 jyly Aqtóbe oblysynda Ýrkachev sovhozynyń №1 fermasynda jumysshy bolyp bastaǵan.
1979-2018 jyldary QazSSR Memlekettik josparlaý janyndaǵy Josparlaý jáne normativtik ǵylymi-zertteý ekonomikalyq institýtynyń ekonomisti, Almaty qalasynda Jambyl aýdandyq qarjy bóliminiń aǵa ekonomisti, Aqtóbe oblysy Muǵaljar aýdandyq qarjy bólimi meńgerýshisiniń orynbasary – memlekettik kiris inspektsiiasynyń bastyǵy, Aqtóbe oblysy boiynsha salyq basqarmasynda bólimi bastyǵy, bastyǵynyń orynbasary, Aqtóbe qalasy boiynsha memlekettik salyq inspektsiiasynyń basshysy, Qazaqstan Respýblikasy Qarjy ministrligi Biýdjet departamentinde bólim bastyǵy, Qazaqstan Respýblikasy Memlekettik kiris ministrligi Salyq tóleýshilermen jumys departamentinde bólim bastyǵy, Aqtóbe oblystyq qazynashylyq, qarjy basqarmalardyń bastyǵy, Astana qalasy Qarjy departamenti basshysynyń orynbasary, Astana qalasynyń ákimdigi Astana qalalyq ekonomika jáne biýdjettik josparlaý departamentiniń direktory, Ońtústik Qazaqstan oblysy ekonomika jáne biýdjettik josparlaý departamentiniń direktory, Qazaqstan Respýblikasy Premer-Ministri orynbasarynyń keńesshisi, «QazAgro» ulttyq basqarýshy holdingi» AQ basqarýshy direktory, Qazaqstan Respýblikasy Aýyl sharýashylyǵy ministrligi Ákimshilik qamtamasyz etý departamentiniń direktory, «Qazagromarketing» AQ basqarma tóraǵysynyń orynbasary, Qazaqstan Respýblikasy Aýyl sharýashylyǵy ministriniń kómekshisi bolyp qyzmet jasaǵan.
2012 jyly Qurmet ordenimen marapattaldy.
2018 jyldyń qańtar aiynan búgingi kúnge deiin Qazaqstan Respýblikasy Aýyl sharýashylyǵy ministrligi Kadr jáne ákimshilik qamtamasyz etý departamentiniń direktory laýazymynda qyzmet atqaryp keldi.
