Qazaqstan Respýblikasy Prezidenti Ákimshiliginiń kelisimimen jáne Túrkistan oblysynyń ákimi Ómirzaq Shókeevtiń ókimimen Túrkistan oblysy ákiminiń orynbasary taǵaiyndaldy. Laýazymdy qyzmetti endi Meiirjan Myrzaliev atqaratyn boldy, dep habarlaidy "Ult aqparat".
Meiirjan Iiabaiuly 1980 jyly týǵan. Bilimi joǵary, Qazaq Memlekettik Zań Ýniversiteti (1998-2002) zańger, Lomonosov at. Máskeý Memlekettik Ýniversiteti (2005-2006) ekonomist, QR Prezidenti janyndaǵy Memlekettik basqarý Akademiiasy (2010-2011), Diýk Ýniversiteti (AQSh, Darem 2014-2016) - halyqaralyq saiasat magistri.
Eńbek jolyn Almaty qalasy ákimdiginde qurylys basqarmasynyń bas mamany (2003-2005) bolyp bastap, Zań jáne ákimshilik bóliminiń bastyǵy (2005-2007) qyzmetin atqarǵan. Keiinnen QR Premer-Ministr keńsesinde Indýstrialdyq-innovatsiialyq damý bóliminiń bas sarapshysy (2008-2009); Biznes-orta jáne innovatsiia sektorynyń meńgerýshisi (2009-2011); Memlekettik retteý sektorynyń meńgerýshisi (2011-2013) qyzmetin atqarǵan.
Dúniejúzilik banktiń halyqaralyq qarjylyq koporatsiiasynda (IFC) (Vashington, AQSh), Aýyl sharýashylyǵyndaǵy biznesti damytý boiynsha is-tájiribeden ótken.
QR Premer-Ministr keńsesinde Premer-Ministrdiń birinshi orynbasarynyń keńesshisi (2016), Premer-Ministrdiń keńesshisi (2017), 2017 jyldyń qańtar aiynan bastap Qostanai oblysy ákiminiń orynbasary qyzmetin atqaryp kelgen.
Qazaq, orys, aǵylshyn tilderinde erkin sóileidi. Úilengen, 2 ul, 2 qyz tárbielep otyr.
