Túrkistan oblysy ákiminiń baspasóz hatshysy taǵaiyndaldy. Bul qyzmetti Mira Súleimenova atqaratyn boldy, dep habarlaidy "Ult aqparat".
Mira Pernebekqyzy 1978 jyly Qyzylorda oblysy, Shieli aýdanynda dúniege kelgen. Shymkent qalasyndaǵy T.Tájibaev atyndaǵy №47 mektep-gimnaziianyń úzdik túlegi. Bilimi - joǵary. 1999 jyly ál-Farabi atyndaǵy Qazaq Ulttyq ýniversitetiniń jýrnalistika fakýltetin úzdik bitirgen. Eńbek jolyn 1999 jyly «Iýmaks radiosynda» jýrnalist bolyp bastap, jańalyqtar qyzmetiniń bas redaktory qyzmetin atqarǵan.
2002-2013 jyldar aralyǵynda «31 arnanyń» OQO boiynsha menshikti tilshisi qyzmetin atqarǵan.
«31 – Shymkent» telearnasynyń jańalyqtar qyzmetiniń bas redaktory bolǵan. 2017 jyldan beri Túrkistan oblystyq qoǵamdyq densaýlyq basqarmasynyń baspasóz hatshysy qyzmetin atqaryp kelgen.
