Túrkistandyq dárigerler pnevmoniiadan ókpesiniń qan tamyrlary bitelgen naýqasty aman alyp qaldy. 34 jastaǵy kelinshek bir ai buryn bosanyp, artynsha pnevmoniia aýrýyna shaldyqqan bolatyn, dep habarlaidy "Ult aqparat".
Túrkistan oblystyq klinikalyq aýrýhanasyna túsken naýqas ókpe qabynýynan em qabyldap, beti beri qaraǵan.
Alaida, virýsty pnevmoniiadan ókpe tamyrlarynyń tromboemboliiasy, iaǵni qan tamyrlary bitelip qalǵan. Saldarynan qan ainalymynyń toqtaýy baiqalǵan.
Klinikalyq aýrýhananyń dárigerleri oǵan shuǵyl túrde kómek kórsetip, 90 minýt boiy jansaqtaý áreketin jasaǵan. Júrekke apparat arqyly massaj jáne qarqyndy terapiia qoldanýdyń arqasynda áiel aman qaldy.
Keiinnen eshbir asqynýsyz emin tolyq qabyldap, otbasyna oraldy.
Dárigerlerdiń aitýynsha, sońǵy kezde aýrýhanaǵa túsken naýqastarda klinikalyq baqylaý kórsetkendei, ókpe qabynýynan keiin qan qoiýlanady. Bul ókpe jáne júrek qan tamyrlarynyń bitelýine ákelip soǵady.
Naýqastarǵa sol sebepti qan quiý protsesin tejep, trombtyń aldyn alý úshin qan suiyltatyn dári-dármek taǵaiyndalady.
