Túrkimenstanda maqta terý naýqany bastaldy. Balkan eldi-mekeninde joǵary synyp oqýshylary men muǵalimderdi májbúrli túrde maqta terýge shyǵaryp jatyr. Bul jóninde Azattyq habarlady.
Azatlyk tilshisiniń habarlaýynsha, oqýshylar men muǵalimderdi birneshe kúnge maqta alqabynyń basyna alyp ketken.
"Bilik munyń bilim sapasyna keri áser etetinine bas qatyrǵysy kelmeidi. Olarǵa tek maqtany tolyq jinaý kerek boldy. Qazir onyń ústine koronavirýstan adam ólimi kóp bolyp jatyr" degen Balkan turǵyny tilshige bergen suqbatynda.
Tilshiniń habarlaýynsha, oqýshylar men muǵalimder kúnine árqaisysy 60 keliden maqta terýi qajet.
Biyl Túrkimenstanda maqta jinaý naýqany jyldaǵydan erte bastaldy. Mary óńirinde tamyz aiynyń ortasynan bastap turǵyndardy maqta terýge shyǵara bastaǵan. Budan bólek aliment tólemegen er azamattardy da májbúrli túrde maqta alqabyna alyp ketip jatyr.
Halyqaralyq quqyq qorǵaý uiymdary Túrkimenstandy maqta terýde adam eńbegin qanaidy dep synap keledi.
