Túrikmenstannyń Memlekettik simfoniialyq orkestri «Abai» operasynan shyǵarmalar oryndady, dep habarlaidy "Ult aqparat".
QR Syrtqy ister ministrliginen málim etkendei, uly Abaidyń 175 jyldyq mereitoiyna orai Ashǵabat qalasyndaǵy Maqtumquly atyndaǵy Ulttyq mýzykalyq-drama teatrynda Túrikmenstan Memlekettik simfoniialyq orkestri kórkemdik jetekshi Rasýl Klychevtyń basqarýymen Ahmet Jubanov pen Latif Hamidiniń «Abai» operasynan shyǵarmalar oryndady.
Orkestrdiń súiemeldeýimen ataqty túrikmen tenory Nury Nuryev «Abai» operasynan «Aittym sálem, Qalamqas» Aidar ariiasyn, al opera ánshisi, soprano Leili Okdirova «Qarlyǵash» ánin shyrqady.
Óziniń quttyqtaý sózinde bas dirijer R.Klychev ortaq tarihi-mádeni «tamyrlar qazaq jáne túrikmen halyqtaryn biriktiretinin jáne qazaq mádenietin jańa biikterge kótergen uly Abaiǵa qurmet kórsetý óte qýanyshty ekenin atap ótti.
Óz kezeginde, Qazaqstannyń Túrikmenstandaǵy Elshisi Erkebulan Sápiev vokalshylarǵa, Túrikmenstannyń Memlekettik simfoniialyq orkestri men Mádeniet ministrligine mádeni is-sharany uiymdastyrǵany jáne qazaq halqynyń uly aqyny Abai Qunanbaiulynyń shyǵarmashylyq murasynyń máńgilik qundylyqtaryn ilgeriletýge qosqan úlesi úshin shynaiy alǵysyn bildirdi», - delingen QR SIM aqparatynda.
