Qazaqstan men Túrkiia «Qazaqfilm» kinostýdiiasy Sataifilm kompaniiasymen birlesip túsirgen, rejisser Aqan Sataevtyń «Tomiris» filminiń negizinde birlesken tarihi serial túsirmekshi. Jobany Túrkiianyń jetekshi telearnasy TRT teleradiokorporatsiiasy júzege asyrmaq, dep habarlaidy QazAqparat.
Bul týraly QR Mádeniet jáne sport ministri Aqtoty Raiymqulovanyń jaqynda Ystanbulda ótken Korkut Ata Turkic World Film Festival túrik arnasynyń ókilderimen kezdesýinen keiin belgili boldy.
Atalǵan basqosýǵa «Qazaqfilm» kinostýdiiasynyń basshylyǵy – prezidenti Aqan Sataev pen vitse-prezident Aidar Batalov ta qatysty.
Aita keteiik, «Qorqyt ata» festivaliniń shymyldyǵyn ashqan «Tomiris» filmi túrik jurtshylyǵyna jaqsy tanys.
Qyrkúiek aiynda massagetter hanshaiymy týraly kinotýyndy Túrkiiada 200-den astam kinoteatrynda kórsetilip, kórermenniń úlken qyzyǵýshylyǵyn týdyrdy.
Sonymen qatar, festival barysynda túrki álemi elderiniń kinematografiia salasyndaǵy yntymaqtastyǵyn damytýǵa tyń serpin beretin mańyzdy qujatqa qol qoiyldy.
Kelisimge QR mádeniet jáne sport ministri Aqtoty Raiymqulova, Ázirbaijan Respýblikasynyń mádeniet ministri Anar Kerimov, Qyrǵyz Respýblikasy Mádeniet, aqparat, sport jáne jastar saiasaty ministri Azamat Jamanqulov, «Ózbekkino» ulttyq agenttiginiń bas direktory Firdavs Abdýhalikov jáne Túrkiianyń mádeniet jáne týrizm ministri Mehmet Ersoi qol qoidy.
Qujat aiasynda taraptar túrki áleminiń kinoindýstriiasyn qoldaýǵa baǵyttalǵan birlesken qor qurýǵa kelisti.
Sondai-aq, festival aiasynda Aqtoty Raiymqulova «Qazaqfilm» kinostýdiiasynyń basshylyǵymen birge belgili túrik kinematografisterimen jáne festival qatysýshylarymen birqatar kezdesýler ótkizip, birlesken kinojobalardy júzege asyrý máselelerin talqylady.
Esterińizge sala keteiik, biyl Túrkiianyń mádeniet jáne týrizm ministrligi alǵash ret uiymdastyrǵan Korkut Ata Turkic World Film Festival kinofestivaline 13 elden 42 kinokartina qatysty.
Baiqaý baǵdarlamasynda «Qazaqfilmniń» týyndylary, onyń ishinde rejisser Rústem Ábdirashovtiń «Qazaq handyǵy. Altyn taq» tarihi filmi, rejisser Baqyt Qaiyrbekovtiń «Ogon, mertsaiýshii v sosýde» derekti filmi, rejisser Adai Ábeldinovtiń «Kúltegin» tolyqmetrajdy animatsiialyq filmi, rejisser Satybaldy Narymbetovtiń «Amanat» kinotýyndysy jáne basqalar kórsetildi.
Festivaldiń saltanatty jabylý rásimi kezinde «Qazaqfilm» kinostýdiiasy Túrki álemi kinematografiiasyna qosqan úlesi úshin arnaiy syilyqpen marapattaldy.
Kinostýdiia prezidenti Aqan Sataevqa Respect Award atty júldeni belgili túrik aktrisasy Fahrie Evdjen tabystady.
Kelesi jyly atalǵan festival Túrkiianyń Býrsa qalasynda ótedi. Al 2024 jyly ony Qazaqstanda ótkizý josparlanyp otyr.
QR Mádeniet jáne sport ministri Aqtoty Raiymqulova festival túrki tildes elderdiń rýhani astanasy – Túrkistanda ótkizilýi múmkin ekenin atap ótti.
