Grýziiada mektep oqýshylary koronavirýstyń taralý qarqyny tómendegen jaǵdaida jáne muǵalimderdiń kópshiligi COVID-19 virýsyna qarsy vaktsinatsiiadan ótken kezde ǵana mektepke orala alady, dep habarlaidy COVID-19 taralýyna jol bermeý jónindegi vedomstvoaralyq komissiianyń Telegram kanaly.
Bilim ministri Tamar Gabýniia mektepterde kúndizgi oqý basymdyqqa ie ekenin atap ótti, sonymen qatar DDU kúndizgi oqýǵa tyiym salýdy sońǵy kezekte engizýdi usynady. Grýziiada oqý jyly 1 qyrkúiekte emes, 15 qyrkúiekte bastalady. «Eger epidemiologiialyq jaǵdai qaýipsiz mektep ortasyn qamtamasyz etý úshin jetkilikti túrde turaqtalmasa, árine, bul turǵyda oń sheshim qabyldaý múmkin emes, vaktsinatsiia mártebesi de mańyzdy», - dedi Gabýniia.
Ujymdyq immýnittke qol jetkizýge eki qadam qaldy, biraq infektsiia qarqyny ósýde. Túrkiia kúsheitilgen vaktsinatsiia aiasynda COVID-19 jaǵdailarynyń eń joǵary deńgeiine jetti. Turǵyndardyń 77%-dan astamy vaktsinanyń alǵashqy dozasyn aldy, al 59% tolyǵymen egildi. Osyǵan qaramastan virýs juqtyrýdyń jańa jaǵdailary men aýrý saldarynan kóz jumǵandar sany ósýde. Ótken aptada qaýipti ertke shaldyqqandardyń kúndelikti ósimi 20 myń jaǵdaiǵa jetti, al ólim sany 250-den asty. Bul Túrkiiadaǵy koronavirýstyń úshinshi tolqynynyń eń joǵary kórsetkishteri.
Densaýlyq saqtaý ministrliginiń málimetinshe, jansaqtaý bólimine jatqyzýǵa deiin alyp keletin bul virýs egilmegen azamattar arasynda keń taralýda.
