QR Ishki ister ministri Erlan Turǵymbaev elimizde bolǵan zańsyz mitingilerge qatysty pikir bildirdi, dep habarlaidy "Ult aqparat".
«21 qyrkúiekke deiin QR Bas prokýratýrasy barlyq qalalarda zańsyz mitingilerge jol berilmeitindigi týraly aldyn ala eskertý jasaǵan edi. Sonymen qatar, bizdiń vedomstvo da bul is-qimyldar zańsyz ekenin habardar etti», - ded ministr Úkimet otyrysynan keiin tilshilerdiń saýalyna jaýap bere otyryp.
Onyń atap ótýinshe, 21 qyrkúiek kúni mitingiler ótetin oryndarǵa politsiia tartyldy, sondai-aq tiisti profilaktikalyq jumystar júrgizilgen.
«Osy kúni ishki ister organdaryna 100-ge jýyq adam jetkizilip, onyń 15-i ákimshilik qamaýǵa alyndy jáne 6 ákimshilik aiyppul salyndy. Qalǵan azamattarǵa qatysty profilaktikalyq jumystar júrgizildi», - dedi E. Turǵymbaev.
Onyń sózine qaraǵanda, zańsyz mitingiler elimizdiń 7 qalasynda ótken.
Buǵan deiin, Bas prokýratýra 21 qyrkúiekte bolatyn sherýge qatysty halyqqa úndeý tastaǵan edi. Osy oraida zańsyz narazylyq aktsiialaryn ótkizetinder qandai jaýapkershilikke tartylatyny túsindirildi.
