Áleýmettik jeliler men messendjerlerde búgin túngi saǵat 2:00-de aýaǵa ziiandy zat shashylady degen syńaida aqparat tarap jatyr. QR Densaýlyq saqtaý ministrligi bul aqparattyń shyndyqqa janaspaitynyn resmi túrde málim etti, – dep habarlaidy «Ult aqparat».
«Búgin saǵat túngi 2-de aýaǵa birdeńe shashady, bul joly kishkentai balalarǵa áser etetin nárse eken. 3 kún boiy balalaryńyzdy dalaǵa shyǵarmańyzdar» delingen. Osyǵan bailanysty Densaýlyq saqtaý ministrligi málimet taratty.
«Qurmetti halaiyq, sizderden áleýmettik jelilerde tarap jatqan jalǵan aqparatqa senbei, tek resmi derekkózge júginýlerińizdi suraimyz. Barlyq rastalǵan aqparatty QR Densaýlyq saqtaý ministrliginiń resmi saitynan jáne áleýmettik jelilerdegi paraqshalarynan alýǵa bolady» delingen QR Densaýlyq saqtaý ministrligi taratqan habarlamada.
Sondai-aq, ministrlik kórineý jalǵan aqparat taratqan adamdardyń QR QK 274-baby - «Kórineý jalǵan aqaparat taratý» boiynsha qylmystyq jaýapqa tartylatynyn eske saldy. ⠀
