Túrkistan oblysynyń Leńgir qalasynda túngi ýaqytta turǵynnyń úiine zańsyz kirip, oǵan dene jaraqatyn salǵan eki kúdikti ustaldy, dep habarlaidy ult.kz.
Oqiǵa kezinde belgisiz eki adam jergilikti turǵynnyń úiine basyp kirip, oǵan kúsh qoldanǵan. Budan keiin onyń uialy telefonyn alyp ketken.
Oqiǵa ornynan túsirilgen beinejazba buǵan deiin áleýmettik jelilerde taraǵan.
Ishki ister ministrliginiń málimetinshe, kriminaldyq politsiia qyzmetkerleri jedel-izdestirý is-sharalaryn júrgizip, kúdiktilerdiń jeke basyn anyqtaǵan. Sondai-aq olardyń júrgen jeri belgili bolǵan.
— Kúdikti retinde Tólebi aýdanynyń eki turǵyny ustalyp, qamaýǵa alyndy, — delingen ministrlik habarlamasynda.
Atalǵan fakti boiynsha qylmystyq is qozǵaldy. Qazir tergeý amaldary júrgizilip jatyr.
Istiń tergelý barysy Túrkistan oblysy politsiia departamenti basshylyǵynyń baqylaýynda.
