Densaýlyq saqtaý ministrliginiń mamandary BAQ ókilderine tumaýǵa qarsy reseilik vaktsina nege tańdap alynǵanyn túsindirdi dep habarlaidy QazAqparat.
Qazaqstan nege tumaýǵa qarsy reseilik vaktsinany alyp otyr? Onyń Frantsiianyń nemese Niderland vaktsinalarynan artyqshylyǵy nede? Ortalyq kommýnikatsiialar qyzmetinde ótken brifingide Densaýlyq saqtaý ministrliginiń ókilderine osyndai saýal qoiyldy.
«Biýdjet satyp alý protsedýralarynyń reglamenti bar. Ol boiynsha tirkeýde bar vaktsinalardyń bári konkýrsqa qatysa alady. Sonyń ishinen baǵasy eń arzan tańdap alynady. Ol vaktsinalardyń tiimdiligine tirkeýden ótkeni dálel bolady», - dedi Densaýlyq saqtaý vitse-ministri Marat Shoranov.
Al Qoǵamdyq densaýlyq saqtaý ulttyq ortalyǵynyń basqarma tóraǵasynyń orynbasary Ainagúl Qýatbaevanyń aitýyna qaraǵanda, reseilik «Grippol+» vaktsinasy talaidan beri óz tiimdiligin dáleldegen.
«Grippol+» vaktsinasy Qazaqstan aýmaǵynda sońǵy 5 jyldan beri qoldanylyp keledi. Biz onyń tiimdiligi joǵary ekenin kórip otyrmyz. Meditsinalyq qyzmetkerler de ony qalai qoldaný kerektigin jaqsy biledi. Mamandar nusqaýlyǵyn tolyq igergen, saqtaý sharttary men tásili de etene tanys. Bizdiń meditsinalyq uiymdarda qoldanýǵa barynsha qolaily», - dedi sarapshy.
