Soltústik Qazaqstan oblysyndaǵy Tulymbai kólinde balyq qyrylyp qaldy.
Bul jaiynda QR QR Ekologiia, geologiia jáne tabiǵi resrýrstar ministrliginiń baspasóz hatshysy Samal Ibraeva Facebook-tegi paraqshasynda jazdy, dep habarlaidy "Ult aqparat".
«Soltústik Qazaqstan oblystyq orman sharýashylyǵy jáne janýarlar dúniesi aýmaqtyq inspektsiiasy» RMM-ge 2019 jylǵy 20 tamyz kúni tańerteń jergilikti mańyzy bar rezervtik sý aidyny - Tulymbai kólinde balyqtardyń qyrylýy týraly aqparat tústi. Sol kúni inspektsiia, Tabiǵat resýrstar basqarmasy jáne Soltústik Qazaqstan oblystyq ekologiia departamentiniń qyzmetkerlerinen quralǵan komissiia oqiǵa bolǵan jerge bardy. Sý aidynynyń jaǵalaýy tekserildi. Ólgen balyqtar 185 kelini qurady, olar ártúrli móńke balyqtary», - dedi ol.
Onyń atap ótýinshe, Ekologiia departamenti, veterinalyq qyzmet, sonymen birge taýarlar men qyzmetterdiń qaýipsizdiginiń sapasyn baqylaý basqarmasynyń mamandary sanitarlyq-himiialyq analizder men zerthanalyq zertteýler júrgizý úshin sý men ólgen balyqtardyń synamasyn aldy. Jergilikti ákimdik ólgen balyqtardy jinap, kózin joidy.
«Balyqtardyń qyrylý sebepteri týraly aqparat laboratoriialyq zertteýlerdiń qorytyndysy alynǵannan keiin habarlanady», - dedi Samal Ibraeva.
