"4 qazanda Jenianyń týǵan kúni boldy, ol 33-ke toldy. Artynda úsh balasy qaldy: ekeýi - óz balasy, bireýi - kúieýiniń qamqorlyqqa alǵan jieni. Ómirge qushtar, meiirimdi jan edi, balalarymen demalysqa bardy. Divanda otyrǵanda, eshteńe istemegende, bul jaǵdai bolmas edi. Ol dúkender jelisinde jumys isteitin. Buǵan deiin eki ret sekirdi, bári jaqsy boldy, biraq biz ony kóndirýge tyrystyq. Ol sekirgennen keiin "qaitadan týǵandai bolasyń" deitin", - dedi Marina.
Jelide onyń eki ret sátti sekirgen videosy bar.
Ol sekirýge sertifikat bergen adamdy kináli sanamaitynyn jáne onyń atyn jariialamaitynyn aitty.
"Uiymdastyrýshylardy bilmeimin, "Fly" kompaniiasy dep estidim, biraq ol jerden eshkimdi tanymaimyn. Negizi, basqa jerden sekirý kerek edi, biraq "Sovzvezdie" qonaqúiine aýystyrdy. Qazir tergeý júrip jatyr. Aqparatty jariialamaý týraly qaǵazǵa qol qoidyq, basqa eshteńe aita almaimyn", - dedi týysy.
Qaraǵandyda sekirýdi uiymdastyratyn kompaniianyń uiymdastyrýshylarynyń biri Resei azamaty ekeni belgili boldy jáne jaqyn tanysynyń aitýynsha, ol qazir kórshi memlekette.
Eske salaiyq, QR Qylmystyq kodeksiniń 306-baby 3-bóligi boiynsha qylmystyq is qozǵalǵan. Kúdiktiler 8 jylǵa deiin bas bostandyǵynan aiyrylýy múmkin.
Evgeniia Leonteva. Sýret áleýmettik jeliden alynǵan.
