Sońǵy 2 aida elimizde koronavirýstan ólim-jitim 4,8 esege tómendedi. Bul jaiynda búgin Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat.
«Búgingi tańda «jasyl» aimaqta segiz óńir bar: Jambyl, Mańǵystaý, Túrkistan, Aqtóbe, Batys Qazaqstan, Atyraý, Almaty oblystary jáne Shymkent qalasy. Bes óńir – «sary» aimaqta: Shyǵys Qazaqstan, Qyzylorda, Qaraǵandy oblystary, Almaty jáne Nur-Sultan qalalary», - dedi ministr.
Onyń dereginshe, «qyzyl» aimaqta tórt óńir, atap aitqanda Aqmola, Qostanai, Pavlodar jáne Soltústik Qazaqstan oblystary tur. Reprodýktivti kórsetkish 0,96 paiyzdy quraidy.
«Jalpy, Qazaqstanda sońǵy eki aida aýyrǵandar 4,5 esege, al ólim-jitim 4,8 esege tómendedi», - dedi Aleksei Tsoi.
