Jyl basynan beri elimizde bala týý kórsetkishi artyp, ana ólimi azaiǵan, dep habarlaidy QazAqparat.
QR Prezidenti janyndaǵy Adam quqyqtary jónindegi komissiianyń otyrysynda Densaýlyq saqtaý ministri Aleksei Tsoi osyndai málimet aitty.
«Koronavirýs infektsiiasynyń uzaqqa sozylǵan pandemiiasyna qaramastan, basym meditsinalyq-demografiialyq kórsetkishterdi jaqsartýǵa qol jetkizildi. Biyl ótken jyldyń sáikes kezeńimen salystyrǵanda bala týý kórsetkishi 6,94% artty. 2021 jylǵy 8 aida ana óliminiń kórsetkishi 10,7% tómendep, 100 myń nárestege shaqqanda 41,7 qaiǵyly jaǵdai boldy. 2020 jylǵy uqsas kezeńde bul kórsetkish 46,7 bolǵan. Qaterli isikterden bolatyn ólim-jitim kórsetkishi 5,7% tómendedi», - dedi vdomstvo basshysy.
Ministrdiń aitýynsha, jyl basynan beri shuǵyl kómek qajet bolǵan naýqastardy ortalyqqa jetkizý úshin aviatsiialyq meditsina 1300-den astam sapar jasaǵan.
«2018-2022 jyldarǵa arnalǵan keshendi jospar boiynsha onkologiialyq qyzmetti damytý aiasynda 2020 jyly Mańǵystaý oblysynda jańa onkologiialyq ortalyq paidalanýǵa berildi, Óskemendegi oblystyq onkologiia jáne hirýrgiia ortalyǵynda joǵary tehnologiialyq jelilik údetkish ornatyldy.
Biyl elimiz Ortalyq Aziiadaǵy alǵashqylardyń biri bolyp ortalyq júike júiesi aýrýlaryn tiliksiz emdeitin radiohirýrgiialyq gamma-pyshaq ortalyǵyn ashty. Onkologiialyq aýrýlardy emdeýge arnalǵan preparattar tizimi keńeitildi. Búgin respýblikada júrekke 100 myńǵa jýyq ota jasaldy», - dedi Aleksei Tsoi.
