Koronavirýsqa shaldyqqandardyń 99,9 paiyzy vaktsina almaǵandar. Bul týraly búgin Úkimet otyrysynda Densaýlyq saqtaý ministri Aleksei Tsoi aitty, dep habarlaidy "Ult aqparat".
«Búginde 5,9 mln adam 1 komponentpen egildi. Bul ekpe alýǵa tiisti halyqtyń 59 paiyzyn quraidy. 2 komponentti ekpe alýǵa qajetti halyqtyń 45,2 paiyzy shamamen 4,5 mln adam aldy. Vaktsinatsiianyń 1-dozasymen eń tómengi qamtý protsenti Mańǵystaý oblysynda baiqalady. Óńirler vaktsinanyń jetkilikti kólemimen qamtamasyz etilgen. Vaktsinany jetkizý kestege sáikes júrgizilip jatyr. Vaktsinatsiianyń tiimdiligin baǵalaý barysynda aýrýdyń 99,9 paiyzy vaktsina almaǵandarǵa tiesili ekendigi anyqtaldy. Bul rette vaktsinatsiiadan keiin aýyrǵandardyń úlesi ne bári 0,1 paiyzdy quraidy», - dedi Aleksei Tsoi.
Ministrdiń dereginshe, ekpe almaǵandar arasynda COVID-19-dan ólim-jitim úlesi 97,7 paiyzdy quraǵan. Al vaktsinatsiia alǵandar arasynda qaitys bolǵandar 2,3 paiyzdy qurap otyr. Bul rette olardyń aýyr sozylmaly aýrýlary bolǵan.
«Bul fakti COVID-tiń aýyr saldarynyń aldyn alýdaǵy vaktsinatsiianyń tiimdiligin taǵy bir márte dáleldeidi», - dedi ol.
