Búgin Úkimet otyrysynda Densaýlyq saqtaý ministri Aleksei Tsoi aldaǵy 3 aiǵa arnalǵan koronavirýs infektsiiasyna qatysty epidemiologiialyq ahýal boljamyn jariialady, dep habarlaidy "Ult aqparat".
"Qarasha aiynda optimistik stsenarii boiynsha kúnine ortasha eseppen 1,5 myń naýqas tirkeledi, shynaiy ahýal boiynsha – 1650, pessimistik boljam boiynsha 1800 adam koronavirýsqa shaldyǵýy múmkin. Jeltoqsan aiynda kórsetkishter sáikesinshe – 1,1 myń, 1,6 myń jáne 2350-ge ózgerýi yqtimal. Al qańtar aiynda 650, 1,5 jáne 3 myń naýqas tirkeledi dep boljaimyz.
... Densaýlyq saqtaý ministrligi jergilikti atqarýshy organdarmen birge koronavirýs infektsiiasy boiynsha aldyn alý jáne epidemiiaǵa qarsy is-sharalardy júzege asyryp, monitoring júrgizýin jalǵastyryp jatyr" dedi ministr Aleksei Tsoi Úkimet otyrysy kezinde.
Qazir kúnine shamamen 1,3-1,5 myń naýqas tirkelip júr. Jazda indet ýshyqqan kezde kúnine tirkelgen naýqastar 8 myńǵa deiin jetken. Bilik indettiń ýshyǵýyn koronavirýstyń delta variantymen bailanystyrǵan.
Qazir Qazaqstanda koronavirýs juqtyrǵandar azaiǵanmen adam ólimi kórsetkishi áli de joǵary. Kúnine ondaǵan adam koronavirýstan qaitys bolyp jatyr. Eki kún buryn Qazaqstanda 42 adam koronavirýs pen "pnevmoniiadan" kóz jumdy. 25 qazanda 1353 adamnyń analizinen koronavirýs anyqtaldy. 24 qazanda 10 adamǵa koronavirýs pnevmoniiasy diagnozy qoiylǵan.
Indet bastalǵaly beri koronavirýs pen "pnevmoniiaǵa" shaldyqqandar 1 millionnan asty.
