Densaýlyq saqtaý ministri Aleksei Tsoi Qazaqstandaǵy epidemiologiialyq jaǵdaidyń úsh stsenariiin boljady, - dep habarlaidy "Ult aqparat".
"Ministrlik epidemiologiialyq jaǵdai boljamyn qarashaǵa deiin jańartty. Sonymen, pessimistik stsenarii boiynsha qyrkúiekte tirkeletin jaǵdailardyń ortasha táýliktik sany 6300 jaǵdaiǵa deiin, qazanda 2400 jaǵdaiǵa deiin bolady. Shynaiy stsenarii boiynsha, qyrkúiekte - 5300 jaǵdaiǵa deiin, qazanda - 1800 jaǵdaiǵa deiin. Optimistik stsenarii boiynsha, qyrkúiekte - 4200 jaǵdaiǵa deiin, qazanda - kúnine 1300 jaǵdaiǵa deiin", - dedi Tsoi úkimet otyrysynda.
Onyń aitýynsha, sońǵy eki aptada infektsiialyq oryndar júktemesi 12 paiyzǵa tómendegen.
"Infektsiialyq oryndardyń tolýy - 49 paiyz, reanimatsiialyq oryndar - 46 paiyz. Eń kóp kórsetkish Aqtóbe oblysynda - 68 paiyz, Almaty qalasynda - 61 paiyz jáne Almaty oblysynda - 59 paiyz", - dedi Densaýlyq saqtaý ministrligi basshysy.
Sondai-aq, Úkimet otyrysynda Premer-ministr Asqar Mamin Koronavirýs infektsiiasynyń taralýyn boldyrmaý jónindegi vedomstvoaralyq komissiiaǵa óńirlerde Ashyq júiesine qatysatyn biznes sýbektileri úshin demalys kúngi shekteý sharalaryn jeńildetý máselesin qarastyrýdy tapsyrdy.
"Vaktsinanyń birinshi komponentin alǵandardyń sany 6,5 mln adamǵa jýyq, al ekinshi komponentin 5 mln-nan astam adam saldyrdy. Vaktsina saldyrý naýqanyn odan ári kúsheitý qajet. Vedomstvoaralyq komissiiaǵa epidemiologiialyq jaǵdai turaqtalyp jatqan óńirlerdegi Ashyq júiesine qatysatyn biznes sýbektileri úshin demalys kúngi shekteý sharalaryn jeńildetý máselesin qarastyrýdy tapsyramyn", - degen Premer-ministr bul jumystaǵy jalpy baqylaýdy orynbasary Eraly Toǵjanovqa tapsyrdy.
