Elimizde 7,1 mln-nan astam adam vaktsinanyń 1-komponentin aldy. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Halyqty vaktsinatsiialaý jalǵasyp jatyr. Búginde 1-komponentpen 7,1 mln-nan astam ekpe aldy. Bul ekpemen qamtylýy tiis halyqtyń 71,5 paiyzyn quraidy. 2-komponent 5,9 mln-nan astam adamǵa salynyp, qamtý kórsetkishi 60 paiyzǵa jýyqtady. Óńirler vaktsinanyń jetkilikti kólemimen qamtamasyz etilgen. Vaktsina jetkizý kestege sáikes júrgizilip jatyr», - dedi ol.
Ministr vaktsinatsiia koronavirýs infektsiiasynyń aldyn alýdyń bir ǵana joly ekendigin basa aitty.
«Sondyqtan qazaqstandyqtardy vaktsina alýǵa jáne elimizde ujymdyq immýnitettiń qalyptasýyna óz úlesin qosýǵa shaqyramyn»,- dedi Aleksei Tsoi.
