QR Densaýlyq saqtaý ministri Aleksei Tsoi elimizde epidemiologiialyq ahýaldy turaqtandyrý joldaryn atady, dep habarlaidy "Ult aqparat".
«Respýblikadaǵy epidemiologiialyq ahýaldy odan ary turaqtandyrýdy qamtamasyz etý jáne koronavirýs infektsiiasyna shaldyǵý ári ólim-jitim ósimine jol bermeý maqsatynda «qyzyl» jáne «qoiý qyzyl» aimaqtarda turǵan óńirlerde demalys kúnderi lokdaýn saqtaý, monitoringi toptarynyń jumysyn kúsheitý, vaktsinalaýǵa jatatyn halyqty vaktsinamen qamtýdy arttyrý, halyq arasynda aqparattyq túsindirý jumystaryn kúsheitý, kásipkerlerdiń ótinimderin eskere otyryp, «Ashyq» jobasynyń kóshbasshylary úshin kriteriilerdi sońyna deiin aiaqtaý usynylady», - dedi Aleksei Tsoi búgin Úkimet otyrysynda.
