Búgin Parlament Májilisindegi Úkimet saǵatynda Densaýlyq saqtaý ministri Aleksei Tsoi biyl elimizde birqatar qaýipti aýrýlar tirkelmegenin aitty, dep habarlaidy QazAqparat.
«2021 jylǵy 8 aida oba, tyrysqaq, ish súzegi, paratif, týliaremiia, difteriia, qyzamyq, poliomielit, sirespe aýrýlary tirkelgen joq. 2020 jyldyń osyndai kezeńimen salystyrǵanda, 23 nozologiia boiynsha syrqattanýshylyqtyń, onyń ishinde jiti virýstyq gepatittermen 3 ese, meningokokk infektsiiasymen 2,6 esege tómendeýi baiqaldy. Aǵymdaǵy jyly qyzylshamen syrqattanýshylyq birli-jarym jaǵdaiǵa deiin tómendedi», - dedi Tsoi.
Budan buryn habarlanǵandai, QR Parlamenti Májilisi tóraǵasynyń orynbasary Balaim Kesebaeva ótken jyldyń qaiǵyly saldary sanitariialyq-epidemiologiialyq qyzmettiń álsiz tustaryn kórsetip bergenin aitty.
«Ózderińiz biletindei, koronavirýs infektsiiasyna qarsy kúres búkil otandyq densaýlyq saqtaý júiesin qozǵady. Qarapaiym sózben aitqanda, COVID-19 pandemiiasy bizdiń densaýlyq saqtaý salasyn ábigerge saldy. Bul, ásirese, sanitariialyq-epidemiologiialyq ahýalǵa áser etti. Ókinishke qarai, ótken jyldyń qaiǵyly saldary sanitariialyq-epidemiologiialyq qyzmettiń álsiz tustaryn kórsetip berdi», - dedi Kesebaeva.
