Densaýlyq saqtaý ministri Aleksei Tsoi Qazaqstanda shyǵarylmaityn koronavirýsqa qarsy vaktsinalar bolashaqta aqyly túrde salynatynyn aitty, dep habarlaidy Sputnik Qazaqstan.
Ortalyq kommýnikatsiialar qyzmetinde ótken onlain brifingte tilshiler revaktsinatsiia kezinde qoldanylatyn vaktsinalar týraly surady.
"Siz Facebook-ta revaktsinatsiiaǵa qatysty usynys jasadyńyz. Oǵan sáikes, 2022 jyldan bastap Qazaqstanda óndirilgen vaktsinalar qoldanylady. Sonda kelesi jyly qazaqstandyqtarǵa revaktsinatsiia jáne josparly vaktsinalaý úshin tek QazVac pen Spýtnik V ǵana qoljetimdi bola ma?", - dedi jýrnalister.
Ministrdiń aitýynsha, Qazaqstanda shyǵarylatyn vaktsinalar kepildendirilgen tegin meditsinalyq kómek aiasynda satyp alynatyn bolady. Al basqa ekpeler aqyly túrde salynady.
"Biz óz vaktsinamyzdy shyǵara alamyz. Onyń klinikalyq tiimdiligi dáleldengen. Ol vaktsinany kepildendirilgen tegin meditsinalyq kómek aiasynda satyp alatyn bolamyz. Biraq basqa vaktsinalar tumaý men basqa da ekpeler siiaqty kommertsiialyq ainalymda bolady. Adamdar ol vaktsinalardy aqyly túrde saldyra alady", - dedi Tsoi.
Aita keteri, qazirgi kezde Qazaqstanda koronavirýsqa qarsy eki vaktsina - QazVac pen Spýtnik V shyǵarylady. Al Vero Cell men CoronaVac syrttan jetkiziledi. Jaqyn arada Pfizer vaktsinasyn jetkizý josparlanyp otyr.
