Biz tsifrlandyrý dáýirinde ómir súrip jatyrmyz jáne onyń áleýetin barynsha paidalanýymyz kerek. Bul týraly Batys Qazaqstan oblysyna jumys sapary barysynda QR Ishki ister ministri Erlan Turǵymbaev aitty, dep habarlaidy "Ult aqparat" Polisia.kz saityna silteme jasap.
Erlan Turǵymbaev Batys Qazaqstan oblysyna jumys sapary barysynda Oral qalasynyń Jedel basqarý ortalyǵynyń jumysyn tekserdi.
Vedomstvo basshysyna ýchaskelik pýnkter men statsionarlyq beketterdiń jabdyqtalýy kórsetildi. Ministr jergilikti atqarýshy organdardyń politsiia qyzmetkerlerine qyzmet atqarý úshin qajetti jaǵdai jasaýǵa qoldaý bildirip jatqanyna oń baǵa berdi.
«Qazirgi zamanǵy tehnologiialyq ázirlemelerdi kúndelikti politsiia qyzmetinde keńinen paidalaný – Memleket basshysynyń ishki ister organdarynyń aldyna qoiǵan basty mindetteriniń biri. Bul quqyq buzýshylyqtardyń aldyn alýǵa jáne qylmystardy neǵurlym tez ashýǵa múmkindik beredi. Bul baǵyttaǵy jumysty jalǵastyrý kerek. Biz tsifrlandyrý dáýirinde ómir súrip jatyrmyz jáne onyń áleýetin barynsha paidalanýymyz kerek» , – dedi IIM basshysy.
El Prezidentiniń tapsyrmasy boiynsha iske asyrylyp jatqan «Halyq únine qulaq asatyn memleket» tujyrymdamasy aiasynda ministrlik «102 KZ» mobildik qosymshasyn iske qosqan bolatyn. Búgingi tańda qosymshany paidalanyp, búkil el boiynsha 1 myńnan astam adam kómek aldy.
«Halyqty qylmystan qorǵaý, qaýipsiz jáne jaily ómir súrý jaǵdailaryn jasaý úshin halyqpen árdaiym bailanysta bolý, azamattarymyzǵa tónetin qaýiptiń aldyn alý óte mańyzdy. Sondyqtan aqparattyq-kommýnikatsiialyq tehnologiialar qyzmettiń barlyq salasynda qoldanylatyn bolady», – dep atap ótti Erlan Turǵymbaev.
Batys Qazaqstan oblysyna jumys sapary barysynda ministr ishki ister organdary men Ulttyq ulannyń birqatar nysanyn aralady. Olardyń qatarynda ýchaskelik politsiia pýnkteri men áskeri bólim bar.
Áskeri qyzmetshilermen kezdesý barysynda vedomstvo basshysy Ulttyq ulan bólimsheleri qoǵamdyq qaýipsizdikti qamtamasyz etýde óńirdiń ishki ister organdary júiesiniń mańyzdy bóligi bolyp tabylatynyn atap ótti.
Oralda Erlan Turǵymbaev adam kóp jinalatyn jáne kriminogendi jerlerde ornatylǵan 10 jańa modýldi statsionarlyq politsiia beketteriniń birin kórdi. Ministr politsiia nariadtarynda táýlik boiy qyzmet atqarý úshin qajettiniń bári bar ekenine kóz jetkizdi.
Sońynda IIM basshysy Politsiia departamentiniń jeke quramymen kezdesip, óńirdegi qaýipsizdikti qamtamasyz etý boiynsha jańa mindetter qoidy.
