Elimizde «Tsifrly ustaz» jobasy iske asyrylady. Bul týraly Úkimet otyrysynda QR Ulttyq ekonomika ministri Áset Erǵaliev málim etti, dep habarlaidy QazAqparat.
Ministrdiń aitýynsha, Prezident Joldaýyn iske asyrý jalpyulttyq josparynyń úshinshi baǵytynda 12 is-sharany iske asyrý kózdelgen.
«Tiptik oqý josparlaryn alyp tastaý boiynsha «Bilim berý týraly» Zańǵa ózgerister engiziledi. Muǵalimderdi 3 jylda bir ret qaita daiarlyqtan ótkizýdi uiymdastyrý josparlanýda. Qashyqtan bilim berýge qajetti aqparattyq júieniń sapasyn jaqsartý, sonymen birge «Tsifrly ustaz» jobasy iske asyrylady», - dedi Áset Erǵaliev.
Onyń atap ótýinshe, daryndy balalarǵa jáne olardyń ustazdaryna jan-jaqty qoldaý kórsetiledi. Halyqaralyq pán olimpiadalarynyń júldegerlerine granttar berý, sonymen birge birrettik aqshalai syiaqy da tóleý kózdelýde.
«Mektepterdegi oryn tapshylyǵy problemalaryn sheshý úshin 2025 jylǵa deiin keminde 1000 mektep salý josparlanýda. «Jas talap» jobasy aiasynda suranysqa ie mamandyqtar boiynsha tegin tehnikalyq jáne kásiptik bilimmen tolyq qamtamasyz etý kózdelip otyr», - dedi ol.
