Almaty-Qorǵas jolynda eki áieldiń kólikte tiridei órtenip ketkeni týraly oqiǵanyń videosy jariialandy, dep habarlaidy "Ult aqparat".
Kóliktiń janǵan sáti kómek kórsetý úshin toqtaǵan mashinanyń videotirkegishine jazylǵan. Videodan jol jieginde turǵan avtokóliktiń aldymen tútindep, keiin qyzyl jalynǵa oranǵanyn kórýge bolady. Sol sátte er adam kóliktiń aldyńǵy esigin ashyp shyǵady. Artqy esik ashylǵanymen, basqa eshkim shyǵyp úlgermeidi, kólik órtke oranady.
Ózge kóliktiń júrgizýshisi mashinasyn birden toqtatyp, órt sóndiretin qurylǵysyn ala júgiredi. Alaida, jalyndy óshirý múmkin bolmaidy.
«Eki áiel adam tiridei janyp ketti. Men kómektesýge barynsha tyrystym. Biraq órtti óshirý múmkin bolmady», - dep jazǵan video avtory.
Esterińizge sala keteiik, 3 maýsym kúni «Almaty-Qorǵas» avtojolynyń 82-shaqyrymynda jeńil avtokólik órtendi. Kólik salonynda eki áiel tiridei janyp ketti. Oqiǵa ornynan video túsirgen kýágerlerdiń sózinshe, kólik qyzyl jalynǵa oranǵanda olar ishinde uiyqtap jatqan.
Al qutqarýshylar der kezinde oqiǵa ornyna jete almaǵan. Sebebi, jaqyn mańda órt sóndirý qyzmeti bolmaǵan. Órttiń shyǵý sebebi anyqtalýda.
«Shaqyrý ornyna Almaty oblysy TJD 4 qyzmetkeri men 1 tehnikasy shyqty. Janǵan jerden órt sóndirý bólimine deiin qashyqtyq 45 km qurady. Órt ornynda avtokólik salonynda 2 jolaýshynyń janyp ketken denesi tabyldy»- dedi Almaty oblystyq TJD baspasóz qyzmetiniń resmi ókili Azamat Jurtbaev.
