Foto: videodan skrinshot
Shyǵys Qazaqstan oblysynda miniven júrgizýshisi qarsy baǵytqa shyǵyp ketip, patrýl kóligimen soqtyǵysa jazdady, dep habarlaidy Ult.kz.
Oqiǵaǵa qatysty oblystyq Politsiia departamenti resmi túsinikteme jariialady. Vedomstvo dereginshe, Óskemen – Ridder tasjolynda Toyota Alphard avtokóliginiń júrgizýshisi basyp ozý maqsatynda qarsy baǵytta kele jatqan kólik quraldarymen araqashyqtyqtyń qaýipsiz ekenine kóz jetkizbesten, qarsy qozǵalys jolaǵyna shyqqan.
«Júrgizýshiniń bul áreketi ózge jol qozǵalysyna qatysýshylardyń ómiri men densaýlyǵyna tikelei qaýip tóndirip, apattyq jaǵdaiǵa sebep bola jazdady. Tekserý barysynda atalǵan quqyq buzýshylyqtyń bir jyl ishinde qaitalanyp jasalǵany anyqtaldy. Júrgizýshi zań aiasynda jaýapkershilikke tartyldy. Politsiia barlyq júrgizýshini saq bolýǵa, basyp ozý kezinde qaýipsizdik talaptaryn qatań saqtaýǵa jáne jol qozǵalysy erejelerin buzbaýǵa shaqyrady», – delingen departament habarlamasynda.
