Tour of Almaty-2019 jarysynyń kórermenderin avtobýs tegin tasymaldaityn boldy, dep habarlaidy "Ult aqparat" Qazaqstan velosport federatsiiasyna silteme jasap.
«Tegin avtobýstar tańǵy saǵat 10:00-den bastap Dostyq jáne Qurmanǵazy kósheleriniń qiylysynda turady. Sońǵy avtobýs saǵat 12:00-de jolǵa shyǵady. Avtobýstar 30 minýt saiyn nemese adam tolǵan sátte júredi. Kólikterge Tour of Almaty logotipi japsyrylǵan. Al keshkisin 16:30-dan bastap shattl-bastar kórermenderdi «Medeýden» qalaǵa tasymaldaidy», - dep habarlady federatsiianyń baspasóz qyzmeti.
Federatsiia málimetinshe, kólik qozǵalysyna shekteý qoiylady. Sondyqtan 11:30-ǵa deiin kelip úlgergen jón. Onymen qosa, Dostyq dańǵylynyń «Medeýge» aparatyn tusyna avtokólik qoiýǵa tyiym salynǵan. Olar veloshabandozdardyń qozǵalysyna kedergi jasaidy, sondyqtan ol mańǵa kólik qoiǵan jaǵdaida olardy alyp tastaýǵa týra keledi. Sol sebepti kólikti «Medeýdiń» bazalyq stansasyna qaldyrǵan jón.
Eske sala keteiik, Tour of Almaty-2019 kásibi velojarysy biyl jetinshi ret - 30 jáne 31 tamyzda ótedi. Oǵan velosporttyń álemdik juldyzdary qatysady.
