Tórt astronavt mingen SpaceX kompaniiasynyń Crew Dragon ǵarysh kemesi Halyqaralyq ǵarysh kemesinen orbitaǵa attandy, dep habarlaidy Sputnik Qazaqstan.
Falcon 9 zymyrany 11 qarashada Nur-Sultan ýaqyty boiynsha saǵat 08:04-te Floridadaǵy Kennedi atyndaǵy Ǵarysh ortalyǵynan ushyryldy.
Ekipaj quramynda amerikalyq astronavttar Radja Chari, Tom Marshbern men Kaila Berron jáne Eýropa ǵarysh agenttiginiń (EKA) astronavty Mattias Maýrer bar. Olar alty aiǵa jýyq ýaqyt orbitada bolady.
"SpaceX kompaniiasynyń Crew Dragon ǵarysh kemesi Falcon 9 zymyranynyń ekinshi satysynan ajyrap, endi óz betinshe ushyp barady", - dep jazylǵan NASA saitynda.
2002 jyldyń mamyrynda Mask óziniń úshinshi kompaniiasy – SpaceX-ty qurdy. Ol zymyran tasymaldaǵyshtar toptamasyn ázirleýmen ainalysady jáne ǵarysh júieleriniń kommertsiialyq operatory retinde qyzmet etedi.
Biraz ýaqyt buryn RIA Novosti CNBC telearnasyna silteme jasap, Ilon Mask Tesla aktsiialaryn 1,1 million dollarǵa satqany týraly habarlady. Mask salyq tólemegeni úshin aiyptalǵannan keiin 930 myńnan astam aktsiiany satýy múmkin ekeni de aityldy. Telearna aqparaty boiynsha, biznesmenniń ieliginde áli kompaniialardyń 170 million aktsiiasy bar. Qundy qaǵazdardy satý týraly Mask Tesla kompaniiasynyń ózine tiesili aktsiialarynyń 10%-in satý týraly Twitter-de saýalnama júrgizgennen keiin belgili boldy. Alaida CNBC bul satý qyrkúiekte josparlanǵanyn málimdedi.
Ilon Mask "sońǵy ýaqytta salyq tóleýden jaltarý týraly kóp aitylyp jatqanyn" jazyp, internetti paidalanýshylar arasynda júrgizilgen saýalnama nátijesi boiynsha, Tesla kompaniiasyndaǵy óz aktsiialarynyń 10%-in satýǵa bel býǵanyn habarlady. Daýys berýge qatysýshylardyń 57,9%-i aktsiialardy satýdy qoldady.
