Foto: Ashyq derekkózden
Tanymal ánshi Tóreǵali Tóreáli aitysqa qaita oralýy múmkin, dep habarlaidy Ult.kz POLITICO.KZ-ke silteme jasap.
Bul jaiynda prodiýser Jan Muqanov áleýmettik jelide jazdy.
"Tóreǵali úshin aitys — jai ǵana óner emes, ótkendi eske alý da emes. Aitys — qazaq folklorynyń ózegi, halyqtyń oilaý júiesin qalyptastyrǵan uly óner. Keshe biz «Habar» arnasyndaǵy aýqymdy «Jekpe-jek» jobasynyń finalynda boldyq.
Sol keshte Tóreǵali aitystyń rýhyn, bolmysyn tereń jetkizetin, búginde aitystyń ánuranyna ainalǵan týyndyny oryndady — bul forma emes, mazmunnyń saltanaty edi. Ol óziniń rýhani, shyǵarmashylyq ákesi — Júrsin Ermanmen qaita qaýyshty. Uzaq ýaqyt kórispegen ónerdegi áriptesterimen júzdesti. Sol sátte artyq sózdiń qajeti bolmady — onyń kózindegi otty kórdim. Adamdy qalyptastyrǵan, bolmysyna ainalǵan dúniemen qaita tabysqanda ǵana dál osylai janary janady. Aitys oǵan sózge jaýapkershilikti, oidyń tártibin, halyq aldyndaǵy amanatty úiretti. Bul — artta qalǵan kezeń emes. Bul — joǵaltsań, ózińdi de joǵaltatyn irgetas. Sol keshte meniń oiyma bir qarapaiym, biraq mańyzdy oi keldi: aitys Tóreǵalidiń ómirinde qaita óz ornyn alýy kerek. Bul ótkenge sheginý emes — alǵa jasalǵan sanaly, kemel qadam. Óitkeni túbin umytpaǵan ónerpaz ǵana shyn máninde kúsheiedi. Siz qalai oilaisyz, Tóreǵalidiń ómirine aitysty qaita ákeletin ýaqyt keldi me?", – dedi ánshiniń prodiýseri Jan Muqanov.
