Memleket basshysy Qasym-Jomart Toqaev Vitse-Prezident Erlan Qarindi qabyldap, jańa qyzmetiniń negizgi baǵyttaryn aiqyndady, dep habarlaidy ult.kz.
Kezdesý barysynda Prezident Vitse-Prezident laýazymy Qazaqstan Respýblikasynyń Konstitýtsiiasymen bekitilgenin atap ótip, onyń memlekettik basqarý júiesinde erekshe mańyzǵa ie ekenin aitty.
Qasym-Jomart Toqaev Erlan Qaringe birqatar naqty mindet júktedi.
Atap aitqanda, Vitse-Prezidentke Quryltaimen, Úkimetpen jáne basqa da memlekettik organdarmen ózara is-qimyl kezinde Memleket basshysynyń atynan ókildik etý tapsyryldy.
Sonymen qatar Erlan Qarin memlekettik saiasattyń negizgi máseleleri boiynsha Prezidenttiń ustanymyn jetkizetin bolady.
Memleket basshysy Vitse-Prezidenttiń jańa qyzmeti aiasyndaǵy jumysyna qatysty negizgi mindetterdi belgilep, memlekettik organdarmen tiimdi ózara is-qimyldyń mańyzyn atap ótti.
