Memleket basshysy Qasym-Jomart Toqaev «Qazaqstan Halyq Keńesiniń keibir máseleleri týraly» Jarlyqqa qol qoidy. Qujatqa sáikes, «Qazaqstan Halyq Keńesiniń Hatshylyǵy» memlekettik mekemesi quryldy, dep habarlaidy ult.kz.
Jarlyqqa sáikes, Qazaqstan Halyq Keńesiniń Hatshylyǵy týraly ereje, onyń qurylymy jáne Prezidenttiń birqatar jarlyqtaryna engiziletin ózgerister men tolyqtyrýlar bekitildi.
Sonymen qatar Prezidenttiń 2024 jylǵy 27 jeltoqsandaǵy «Qazaqstan halqynyń Assambleiasy týraly erejeni bekitý týraly» jáne 2025 jylǵy 29 jeltoqsandaǵy «Qazaqstan halqy Assambleiasynyń "Birligimiz – áralýandyqta" 2030 jylǵa deiingi damý tujyrymdamasyn bekitý týraly» jarlyqtarynyń kúshi joiyldy.
Qujatqa sáikes, Úkimetke Jarlyqty iske asyrý úshin qajetti sharalardy qabyldaý tapsyryldy. Al Prezidenttiń Is basqarmasy Qarjy ministrligimen birlesip, Qazaqstan Halyq Keńesi men onyń Hatshylyǵynyń basshylyǵyn ornalastyrý úshin tiisti ǵimaratpen qamtamasyz etýi tiis.
Jarlyqtyń oryndalýyn baqylaý Prezident Ákimshiligine júkteldi.
Qujatqa sáikes, Jarlyqtyń basym bóligi qol qoiylǵan kúnnen bastap kúshine enedi. Al Qazaqstan Respýblikasy Quryltaiynyń Apparaty qurylǵannan keiin kúshine enetin jekelegen normalar keiinirek qoldanysqa engiziledi.
