Memleket basshysy Qasym-Jomart Toqaev qazirgi álemdegi geosaiasi ahýalǵa qatysty pikir bildirip, Birikken Ulttar Uiymynyń Qaýipsizdik Keńesiniń jumysyna baǵa berdi, dep habarlaidy ult.kz.
Prezidenttiń aitýynsha, búginde álemdegi oqiǵalar júiesiz ári beibereket sipatqa ie bolyp, aldaǵy jaǵdaidy boljaý qiyndaǵan.
«Memleketterdiń, ásirese iri elderdiń arasyndaǵy senimge selkeý tústi. Bul BUU men onyń institýttarynyń qyzmetine zardabyn tigizýde», — dedi Qasym-Jomart Toqaev.
Memleket basshysy BUU Qaýipsizdik Keńesi jahandaǵy jáne aimaqtardaǵy beibitshilikti, turaqtylyq pen qaýipsizdikti saqtaý missiiasyn atqara almai otyrǵanyn atap ótti.
Onyń pikirinshe, qalyptasqan jaǵdaida óńirlik halyqaralyq uiymdardyń róli aitarlyqtai artyp keledi. Sonymen qatar álemdik arenada «orta derjavalar» dep atalatyn memleketterdiń yqpaly kúsheiip jatyr. Toqaev Qazaqstandy da osy sanatqa jatqyzdy.
Prezident buǵan qosa tsifrlyq tehnologiialar men jasandy intellektiniń qarqyndy damýyna toqtaldy. Onyń aitýynsha, bul úderistiń túpki nátijesi ázirge belgisiz.
«Taiaý keleshekte iadrolyq qarýdyń ornyn jasandy intellekt quraldary almastyrýy múmkin degen boljam aityldy. Munyń bári álemniń damýy zańdylyq pen qisynnan ada ekenin kórsetedi. Al onyń zardabyn keleshek urpaq tartady», — dedi Prezident.
