Foto: twitter.com/EmniyetGM
Túrkiiadaǵy jer silkinisinen zardap shekkenderge kómek kórsetip jatqan qutqarýshylar tonaýshylardyń kesirinen elden kete bastady, - dep habarlaidy Tengrinews.kz tilshisi Türkiye Gazetesi basylymyna silteme jasap.
Túrik biligi tártipsizdikterge qatysty pikir bildirgen joq, biraq prezident Rejep Taiyp Erdoǵan Úkimet tonaýshylar men basqa da qylmyskerlerdi qatań túrde jazalaitynyn aitty.
Atap aitqanda, Izraildiń United Hatzalah izdestirý-qutqarý toby osy topqa qatysty "qaýipsizdikke eleýli qater" tóngendikten, alty kúnnen keiin Túrkiiadan ketip qaldy, dep habarlaidy The Times of Israel.
United Hatzalah basshysy Eli Pollak pen operatsiia jónindegi vitse-prezidenti Dov Maizel izraildik delegatsiiaǵa naqty jáne tikelei qaýip týraly aqparat alǵandaryn jáne qyzmetkerlerdiń qaýipsizdigin birinshi orynǵa qoiý kerek ekenin aitty.
"Biz óz komandamyzdy Siriia shekarasyna jaqyn Túrkiianyń osy aimaǵyna jibergen kezde belgili bir táýekel deńgeii bar ekenin bildik, biraq biz adam ómirin qutqarý missiiasy úshin qaýipti azaitýǵa qajetti qadamdar jasadyq", - dedi Maizel.
Túrkiia Ádilet ministrligi málimetinshe, tabiǵi apattan keiin tonaýshylar paida bolǵan. Adamdar dúkenderdi tonap, qaza bolǵandaryń baǵaly zattaryn alady. Sondai-aq, kóshelerde túrli toptar arasynda qaqtyǵystar bastalyp, jer silkinisi bolǵan aimaqtarda oq atylǵan.
Sonymen qatar, Avstriia qarýly kúshteriniń ókilderi de Túrkiiadaǵy jer silkinisi aimaǵynan qaýipsizdiktiń joqtyǵyna jáne qarýly tonaýshylar tobynyń jáne merzimdi atystardyń saldarynan áskeriler men qutqarýshylardyń ómirine qaýip tóngendikten ketip jatqandaryn málimdedi.
Eki nemis kómek uiymy da zilzaladan zardap shekken Túrkiiada qaýipsizdikke alańdaýshylyq pen adamdar arasynda qaqtyǵystar, atys bolǵany týraly habarlardy alǵa tartyp, qutqarý jumystaryn toqtatqan.
Nemis Halyqaralyq izdeý jáne qutqarý uiymy (ISAR) men Germaniia Federal tehnikalyq kómek agenttigi (THW) túrik azamattyq qorǵanys agenttigi AFAD jaǵdaidy qaýipsiz dep tanyǵan boida jumysyn qaita bastaityndaryn aitty. ISAR operatsiialyq menedjeri Stiven Baier apattan keiin kún ótken saiyn qaýipsizdik jaǵdaiy nasharlap bara jatqanyn aitty.
