Máskeý qalalyq soty Daǵystannan kelgen burynǵy joǵary laýazymdy sheneýniktiń uly Muhtar Medjidov Mýrtýzalidiń aqtaý úkiminiń kúshin joidy, endi MMHQI stýdentin óltirý isi qaita qaralady. Bul týraly onyń advokaty Shamil Iandarbaev málimdedi, - dep habarlaidy Tengrinews.kz tilshisi.
"Úkimniń kúshi joiyldy, bul sheshimniń negizi bizge áli belgisiz, is Máskeýdiń Nikýlin sotyna jańadan qaraýǵa jiberildi", - dedi agenttikke suhbat bergen advokat.
Aita keteiik, aqtalǵanǵa deiin Mýrtýzali Medjidov qamaýda bolǵan, ol sot sheshimi shyqqan kúni bosatylǵan. Ázirshe bultartpaý sharasyn qaita tańdaý máselesi sheshilgen joq, dep atap ótti advokat.
Osy jazda Máskeýdiń Nikýlin sotynda qazylar alqasy er adamdy qyzdyń ólimine kináli emes dep tanyp, olardyń úkiminiń negizinde sot aqtaý úkimin shyǵarǵan edi. Marqumnyń týystary sottalýshydan 30 million rýbl kóleminde ótemaqy óndirip alýǵa tyrysty, biraq sot olardyń azamattyq talabyn qabyldamady.
Mýrtýzali Medjidov - ataqty daǵystandyq saiasi qairatker jáne biznesmen Muhtar Medjidovtyń uly.
Eske salaiyq, 2018 jylǵy 13 sáýirde MMHQI Halyqaralyq ekonomikalyq qatynastar kafedrasynyń tórtinshi kýrs stýdenti Tomiris Baisafa úzilis kezinde JOO-nyń tórtinshi qabatyndaǵy terezeden qulap ketken. Qyzdyń birneshe dene múshesi synyp, kóp qan joǵaltqan. Sol jyldyń 3 mamyrynda Tomiris Sklifosovskii ǵylymi-zertteý institýtynda qaitys boldy. Qyzdy óltirdi degen kúdikpen Daǵystannyń burynǵy premer-ministri Mýrtýzali Medjidovtyń uly ustalǵan.
