Mamandar Soltústik Qazaqstan oblysyndaǵy Tolymbai kólindegi móńke balyqtardyń jappai qyrylý sebebin anyqtady, dep habarlaidy QazAqparat.
Tabiǵi apat bolǵan jerge inspektsiia, Tabiǵat resýrstar basqarmasy jáne oblystyq ekologiia departamentiniń qyzmetkerlerinen quralǵan komissiia baryp, birneshe qajetti synamany aldy. Búginde zerthanalyq saraptamanyń nátijesi shyqty.
«Veterinarlyq zerthanada júrgizilgen saraptama men ekologtardyń qorytyndysy belgili boldy. Tekseris barysynda saraptamaǵa alynǵan sý men balyq synamalarynan úsh esege deiin artyq pestitsid pen tuz tabyldy», - deidi SQO Orman sharýashylyǵy jáne janýarlar dúniesi aýmaqtyq inspektsiiasy bóliminiń bas mamany Eldar Kákibaev.
Osy iske qatysty barlyq materialdar quqyq qorǵaý organdaryna jiberildi. Kólge ziiandy zattardyń qaidan kelgenin quzyrly mekeme anyqtaidy.
Jambyl aýdanyndaǵy Tolybai kólinen jalpy salmaǵy 185 keli móńke balyǵynyń ólekseleri alynyp, órtelgen bolatyn. Mamandardyń esebinshe, qorshaǵan ortaǵa kelgen shyǵyn kólemi 200 myń teńge shamasynda.
Esterińizde bolsa, 20 tamyz kúni SQO Jambyl aýdany Tolymbai kólinde balyq jappai qyrylyp, aýyl turǵyndarynyń úreiin ushyrǵan edi.
