Tokioda koronavirýs juqtyrǵandar úshin arnaiy qonaqúi ashyldy. Saqtyq maqsatynda onda robottar ǵana qyzmet etedi, dep habarlaidy "Ult aqparat" «Habar 24» arnasyna silteme jasap.
Temir qyzmetkerler tazalaý jáne zararsyzdandyrý jumystaryn júrgizedi. Sondai-aq naýqastardyń em-domyna kómektesedi.
«Qonaqúidi meilinshe jaily etý úshin robottardy qoldanýdy uiǵardyq. Máselen, meimanhananyń kireberisine tazalaý jumysymen ainalysatyn robotty qoidyq. Óitkeni eń qaýipti aimaq dál osy jer sanalady. Onyń ústine robottardyń arqasynda adamdar virýs juqtyryp alamyn dep te qoryqpaidy», - deidi Tokio meriiasynyń ókili Naoko Kýbota.
Óz kezeginde Túrkiia qonaqúileri saqtyq sharalaryn meilinshe kúsheitip, turalap turǵan týrizm salasyn qaita jandandyrýǵa kiristi. Iaǵni qonaqúiler budan bylai tek «qaýipsizdik sertifikatymen» jumys isteidi. Al kelýshiler koronavirýs juqtyrmaǵany týraly anyqtama kórsetýleri kerek. Buǵan qosa, áleýmettik araqashyqtyqty saqtaý da mindetti. Osyǵan bailanysty qyzmetkerlerge arnaiy epidemiologiialyq daiarlyqtan ótý talaby qoiyldy.
«Qaýipsizdik sertifikaty berilgen sáttep bastap qyzmetkerlerdi daiyndaýǵa kirisemiz. Cheshmedegi maýsym tek barlyq talaptarǵa sai bolǵanymyzda ǵana bastalady. Turǵyn úidi jalǵa berý servisinde de birshama ózgeris bar. Mamyrdan bastap páter ieleri bólmeni tazalaý jumystaryna qonaq ketkennen keiin 24 saǵattan soń ǵana kirise alady. Buǵan qosa, úidi kelesi jalǵa alýshyǵa tapsyrý úshin keminde 3 táýlik ótýi tiis», - Cheshme qalasynyń meri Ekrem Oran.
Koronavirýs kesirinen Niý-Iork qonaqúileri de kelýshilerge jańa shekteýler engizýge májbúr. Endi meimanhana tabaldyryǵynan attaǵan árbir qonaq mindetti túrde dene qyzýyna tekserilýi tiis. Al liftpen tek bir adamnan ǵana kóterile alady. Buǵan qosa, bólmelerdi tazalap, dezinfektsiialaýǵa beriletin ýaqyt ádettegi 2 saǵattan 3 táýlikke deiin uzarǵan.
«Biz kelgen qonaqtardyń temperatýrasyn tekserip, hal-jaǵdaiyn suraimyz. Eger bári durys bolsa, qoldaryna zararsyzdandyrǵysh ustatyp, tolyq tekserilgeni týraly stiker beremiz. Mundai qaǵazdyń túsi kún saiyn ózgertilip turady. Biz jańadan engizilip jatqan sharalar adamdarǵa túsinikti bolýy úshin barynsha qarapaiym etýge kúsh saldyq», - deidi qonaqúi menedjeri Rýdi Taýsher.
