Senbi kúni Tokio ýniversitetiniń janynda jalpyulttyq qabyldaý emtihandary aldynda eki orta mektep oqýshysy men bir er adamdy pyshaqtap ketti, dep habarlaidy QazAqparat Kyodo agenttigine silteme jasap.
Buǵan kúdikti jasóspirim qamaýǵa alyndy.
Politsiianyń habarlaýynsha, tańǵy saǵat 8:30 shamasynda ýniversitettiń bas qalashyǵyna aparatyn qaqpalardyń biriniń aldynda úlgerimi nashar talapker 72 jastaǵy er adam men 17 jáne 18 jastaǵy eki stýdenttiń arqasynan pyshaq suqqan.
«Men jaqsy oqymadym, sondyqtan osyndai qylmys jasap, ólgim keldi», - dedi kúdikti, Nagoiadaǵy jeke orta mektep oqýshysy.
«Men Tokio ýniversitetinde dáriger bolý úshin oqydym, biraq bir jyl boiy úlgerimim nashar boldy jáne ózime degen senimimdi joǵaltty, - degen jasóspirimniń sózin keltiredi politsiia.
Ol politsiiaǵa Tokioǵa senbi kúni tańǵy saǵat 6-da jetýi tiis jedel avtobýspen barǵanyn aitty, al tergeý júrgizýdegi derekkóz onyń ata-anasy juma kúni keshke Aichi prefektýralyq politsiiasyna ulynyń joǵalyp ketkeni týraly habarlaǵanyn málim etti.
Kámeletke tolmaǵandyqtan aty-jóni jariialanbaǵan shabýyl jasaýshy qoldanǵan pyshaqty Tokiodan 250 shaqyrym jerdegi úiinen ákelgenin aitty.
Politseiler kelgen kezde ol oqiǵa bolǵan jerde otyrǵan, qasynan qanǵa boialǵan 12 santimetrlik júzi bar ashana pyshaǵy tabylǵan.
